غصـــــن البــــــان

تعليمي ترفيه منوع
 
الرئيسيةالبوابةاليوميةس .و .جالأعضاءالمجموعاتبحـثالتسجيلدخول

شاطر | 
 

 قصة تخرب من الضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
GOGO
غضن فرعي مهم
غضن فرعي مهم


عدد الرسائل : 57
تاريخ التسجيل : 08/07/2007

مُساهمةموضوع: قصة تخرب من الضحك   الإثنين يوليو 09, 2007 4:56 am

جنت واكف بالشارع العام (مو هال سنة لأن هال سنة عبور بدرسين) دا أأجر تاكسي البيتنا و لأن ما شايل هلكد كتله البيت جوارينا و مناك أكمل مشي (مو بيوتنا جبيرة حييل ذاك اليوم كروة من الهول للحمام اب 8000 دينار و أضطريت ادفع لان جنت رايح دا أسبح)
المهم,,,,,
شفت أبنية ,,(هاي شنوووو؟؟) اي بداعة نجيب محفوظ الله ايرحمة و ايرده النا سالم ,,المهم أشو هاي المكموعة ضحكتلي... عزززززززة ,,,, اتباوعتلها (فعل تصريف ثالث ماضي مستمر مفعول به خامس باء مال "نظر") أشو هاي خربت ضحك!!!! شنو السالفة؟؟؟ شنو معجبه الاخت؟؟؟؟ المهم
ظليت أباوع (اني هم لزكت منغولي و شاف علج بعد أو في رواية أخرى علج و لزك اببطانيه!!!) كلت اللا اعرف هاي شبيها ويايه؟؟؟
عفت التاكسي لو اعرف ارجع البيتنا هرولة هم ميخالف عال اقل اصرف الفلوس اب عزيمة شي و الصراحة البنية احلى خواتها توها غاسلة و امسوية شعرها ذيل طلي و حاطة بودرة مال عمر دون 7 أشهر و لابسة شحاطة مظروبه اوتي و تيشرت توها مصبوغ بالصبغ مال التمساح و لابسة قراصة ام السحاب فد شي ايخبل

كلت
خلي اروح
اسولف وياها
اني بالكليه 15 سنه ما صارحت كلت خلي أجرب
لو بالمطعم و دا اصارحا و الزم ايدها,,,,,,,
لو

أبمستشفى اليرموك و وجي اب وج ام صابر السيستر (جنها رجل عمتي) و هم لازمة ايدي دا (اتجيكلي الضغط)
يعني لو الله ايسهلها او افوت للمطعم لو تعتبر حرشة و ادخل للطواريئ و اهلي يكعدون يعاملون و يتبجبجون على قنونة أوكسجين حتى لو أكسباير
خوش حجي؟؟؟؟
خوش حجي.....
عبرت الشارع (يا تاكسي يا بطيخ يا بيت الخلفني؟؟ لو اعرف ابات أبسجن بوكا المختلط اليوم!!!) البنية حبيتها ولا عبالك صار 7 سنين وياها علاقة حب اووف (أكعد لووكي هسة كلت توها شافتك سويتها 7 سنين؟؟ ورة شوية راح اتكللنا حبيتها من عصر عباس بن فرناس) ,,, المهم

اقتربت منها وووووو
الله !!!!!
لييش؟؟؟
الحكولي !!!
حاولت اغمزلها اشو ذبانه ما عدها من الأحساس ذرة فاتت ابخشمي و كمت اغمز ابخشمي و اب عيني عبالك ترفكلابت صرت و الخنين اشتغل هسة اذا اروحلها ما اتكول منغولي هذا و تنطيني 250 و اتروح؟؟
المهم رتبت روحي و رحت
ادري اشو هاي خربت ضحك ؟؟؟شكو مكتوب نكتة على كصتي؟؟؟؟شكلي ايضحك؟؟؟جان خلو وجي عال بوستر مال مسرحية مدرسة المشاغبين جوة أبط عادل أمام؟؟؟
ليش دا تضحك هاييي؟؟؟ كتلتني و المصيبة ولكم حلوةة ما تنعااف!!!!!!!يا لحاف ؟؟؟؟
ماكو غير حل معجبة !!!

شنو اللي عجبها بيه؟؟؟ أشو ريحة العمبة تكفخ من بعد كيلو لان جنت ملتهم لفة فلافل (قطع دبل ام ال 500) حتى منع تجول رادوو ايسوون من الريحة عبالك ماكل لفة عمبة و راش فوكاها فلافل بالخاشوكة
احتمال معجبة اب بنطروني لان ما بي جيوب؟؟؟ وديتها ال ابو الكوي لان بس الجيوب وصخة ليش حرامات اودي البنطرون كله اذا ما بي وصخ؟؟؟ (شكد غبي!!! اييييييييييييييييييييييع!!!!)
ما اعرف؟؟؟؟؟

قلبي كام ايدك بسرعة 5000 راجدي بالكتلة و وصلت يمها و صار الحوار التالي اللي ياريته ما صاير :
-هلوو
- العفو وياية؟؟؟؟ (أهوووو كامت اتبيعهن علينه!!!)
- اي لعد وية قراصتج طبعا وياج!!!( نعلى على ضميرها للعمبة غير اتسوي جرأة!!!)
- هههههههههههههههههههههههههههههههههههههههههههههههههه هههههههههههههههه
- يممة يممة من فدوة ال هال ضحكة !!!! انتي من زمان معجبة بيه مو؟؟؟؟؟؟
- أي عيني من اول ما طلعت من يم الحلاق!!!!
عززززة !!!!!!!!! ولكم هاي امراقبتني هاي لو معجبة لو راح تعلسني خاف وية عصابة الكف البرتقالي ضخاام!!! لهذا قررت اذبحها على قبلة و استعمل الخطة بي ام اكس 009 (العصبيه يعني)
- أكول و بصراحة ليش دا اتضحكين صار ساعة؟؟؟؟ شنو قرقوز كدامج؟؟؟
- هههههههههههههههههههههههههههههههه لا عيني بس الياخة مالتك مكلوبة و ركبتك كلها شعر و نص شواربك مخففة و الباقي نمرة 30 و خشمك دا ايزخ و تريدني ما اضحك لك امشي منا منغووووولييييييييييييييييي!!!!!!
ما احجيلكم اني اشصار بيه مو اني شنو بهال مواقف رأسا ايصي عندي أستكماتزم اب جعب رجلي اليمنة و عمة مؤقت و كسر أبعظم السطل (مو الحوض) لمن انفعس (يعني أنفعل بس عجبني أكتبها هيج!!) و قررت اروح ارجع ال ابو التاكسي مرة ثانية
وكفت تاكسي

و قبل ما اكلله لي وين اروح
باوع عليه



و كللي
هاي منو امزينك؟؟؟؟ نداف؟؟؟؟ ها ها ها
ابو التاكسي اللاخ هم ظل ايصنف بحيث كبرت اببالي اسلب سيارته و ابيعها بالشمال

نعلى على حظ كلمن ايزين يمك بعد


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ban
غصن الرئيسAdmin
غصن  الرئيسAdmin
avatar

عدد الرسائل : 239
تاريخ التسجيل : 06/07/2007

مُساهمةموضوع: رد: قصة تخرب من الضحك   الإثنين يوليو 09, 2007 6:54 am

الله مضاحكة ابدا من كبل هيج ضحك الله مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bano.ahlamontada.biz
GOGO
غضن فرعي مهم
غضن فرعي مهم


عدد الرسائل : 57
تاريخ التسجيل : 08/07/2007

مُساهمةموضوع: رد: قصة تخرب من الضحك   الإثنين يوليو 09, 2007 7:00 am

مشكوررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة تخرب من الضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
غصـــــن البــــــان :: المنتديات الترفيهية :: قسم النكت-
انتقل الى: